Մեր պաշտպանյալ Յ.Բ. ՀՀ-ում ձերբակալել էին Ռուսաստանի Դաշնության կողմից միջազգային հետախուզման հիման վրա: Վերջինս ՌԴ-ում մեղադրվում էր հինգ դրվագ խոշոր չափերով խարդախություն կատարելու մեջ և նրան պահանջում էին հանձնել համաձայն <<Քաղաքացիական, ընտանեկան և քրեական գործերով իրավական օգնության և իրավական հարաբերությունների մասին>> 1993թ. Մինկի կոնվենցիայի: Այս գործով մեր թիմի փաստաբաններին հաջողվել է արձանագրել հաղթանակ, ինչի շնորհիվ Յ.Բ. չի հանձնվել ՌԴ: Սկզբում դատարանը մերժել է ՀՀ արդարադատության նախարարության ներկայացրած՝ կալանավորելու վերաբերյալ միջնորդությունը, և Յ.Բ. ազատ է արձակվել անմիջապես դատական նիստերի դահլիճից: Վերոնշյալ հաղթանակը նպաստեց հաջորդ հաղթանակին, երբ Արդարադատության նախարարությունը բավարարեց մեր կողմից ներկայացված միջնորդությունը և մերժեց Յ.Բ. ՌԴ-ին հանձնելու պահանջը: Այս գործի առանձնահատկությունն այն էր, որ մեր թիմին հաջողվեց ցույց տալ, որ ՌԴ-ում Յ.Բ.-ին ներկայացված մեղադրանքը բավարար չափով որոշակի չէ, ինչից հետևում է, որ նրան մեղսագրվող արարքի՝ ՀՀ-ում հանցագործություն լինելը հիմնավորված չէ: Նման հիմքով հանձնելու մերժումը եզակի դեպք է ՀՀ-ի պրակտիկայում:
Քրեական գործ
Մրտ 26, 2026
Ծանր հանցագործությունների մեջ մեղադրվող մեր վստահորդին կալանքի տակ պահելու պահանջով դատախազի բողոքը մերժվեց, իսկ օրեր անց մեր վստահորդի նկատմամբ կիրառվեց վարչական հսկողություն
Ինչպես արդեն հայտնել էինք, 2026 թվականի փետրվար ամսին ՀՀ հակակոռուպցիոն դատարանը մերժել էր ՀՀ քրեական օրենսգրքի 435-րդ հոդվածի 2-րդ մասի 2-րդ և 3-րդ…
Կարդալ ավելին