Արսեն Սարդարյանը հանդիսանում է «Էլ Էս Էյ» իրավաբանական ընկերության կառավարող գործընկերը:
2014թ․-ին հիմնադրել է «Էլ Էս Էյ» փաստաբանական գրասենյակը և մինչ օրս ղեկավարում է այն, բացառությամբ 2016թ․-ի հունվարից մինչև 2019թ․-ի փետրվար ամիսը, քանի որ այդ ժամանակահատվածում Ա.Սարդարյանը աշխատել է որպես Հայաստանի Հանրապետության Սյունիքի մարզի առաջին ատյանի դատարանի դատավոր։
Փաստաբանական գործունեությունը է սկսել 2010թ․-ից։
Ա.Սարդարյանը մասնագիտացած է իրավունքի տարբեր ոլորտներում, այսպես՝ 2012թ․-ին քաղաքացիական իրավունքի ոլորտում պաշտպանել է գիտական ատենախոսություն և ստացել է գիտությունների թեկնածուի պատվավոր կոչումը, սակայն որպես դատավոր երեք տարի աշխատել է քրեական գործերով մասնագտացված հաստիքում։ Որպես փաստաբան և որպես դատավոր Ա.Սարդարյանի վարույթում են եղել հազարավոր գործեր, ինչը հնարավորություն է տալիս որպես ընկերության ղեկավար քննարկումներ ունենալ տարբեր ոլորտներում մասնագիտացված իրավաբանների հետ և համակարգել գրասենյակի գործունեությունը։
2007թ.-ին ավարտել է Երևանի Պետական Համալսարանի իրավաբանական ֆակուլտետը, այնուհետև համապատասխանաբար 2009թ.-ին և 2012թ.-ին Ռուս-Հայկական(Սլավոնական) համալսարանի իրավաբանական ֆակուլտետի մագիստրատուրան և ասպիրանտուրան։
2014թ.-ին ավարտել է ՀՀ արդարադատության ակադեմիան՝ դատավոր ուղղվածությամբ։
2012թ.-ից քաղաքացիական, քրեական, զինվորական իրավունքից դասախոսություններ է կարդում Հայաստանի մի շարք բարձրագույն ուսումնական հաստատություններում:
Այժմ դասախոսություններ է կարդում ՀՀ Փաստաբանական ակադեմիայում, Մոսկվայի Պետական Համալսարանի Երևանի մասնաճյուղում, ունի մի շարք գիտական հրապարակումներ։
Ա.Սարդարյանը մասնակցել է բազմաթիվ միջազգային կոնֆերանսների, որոնք կայացել են ինչպես Հայաստանում, այնպես էլ Ամերիկայի Միացյալ Նահանգներում և Եվրոպայում:
Դատավորների ընդհանուր ժողովի որոշմամբ արժանացել է «2017թ․ լավագույն դատավոր» պատվավոր կոչմանը։
Հանդիսանում է նաև Իրավունք և Արդարություն հասարակական կազմակերպության նախագահը, 2021թ․-ից անդամակցել է Մանթաշյանց գործարարների ակումբին:
Տիրապետում է հայերեն, ռուսերեն և անգլերեն լեզուներին։
2010թ.-ից հանդիսանում է ՀՀ փաստաբանների պալատի անդամ, փաստաբան:
