Արտասահմանյան ընկերությունը կկարողանա իրացնել իր դատական պաշտպանության իրավունքը ՀՀ-ում

«Էլ Էս Էյ» իրավաբանական ընկերությունը ներկայացնում է նաև օտարերկյա իրավաբանական անձանց շահերը ինչպես վեճերի լուծման արտադատական փուլում, այնպես էլ ՝ ՀՀ դատարաններում։
Հերթական անգամ օտարերկյա դատական ակտի ճանաչման և կատարման թույլատրելու վերաբերյալ դիմումը երկու և ավելի անգամ վերադարձվում էր ընդհանուր իրավասության առաջին ատյանի քաղաքացիական դատարանի կողմից՝ ձևական և տեխնիկական բնույթի պահանջներով, որոնք վերաբերում էին օտարերկրյա պետական մարմինների կողմից տրված փաստաթղթերի բովանդակությանը։ Բողոքարկելով ընդհանուր իրավասության առաջին ատյանի քաղաքացիական դատարանի դիմումը վերադարձնելու որոշումը վերաքննության կարգով, ի վերջո գրանցվեց հաջողություն և վերացվեց վերադարձի վերաբերյալ որոշումը։
Նման որոշման ընդունումը կարևոր է օտարերկյա քաղաքացիաիրավական սուբյեկտին իր իրավունքներն ու օրինական շահերը ՀՀ դատարաններում պաշտպանելու հնարավորությունից չզրկվելու համար, ինչը կարող է բացասական կերպով անդրադառնալ ՀՀ-ում գործող առևտրային սուբյեկտների և օտարերկյա առևտրային սուբյեկտների առևտրային հարաբերությունների վրա: